Út í óvissuna

Loksins vorum við komin til Fort Cochin (breytt í Fort Kochi nýlega). Þetta er lítill hafnarbær á vesturströndinni með stóra sögu. Höfnin sjálf varð til í miklu flóði 1341 og síðan þá hefur bærinn verið mikilvægur suðupunktur kryddviðskipta á milli Inlands og heimsins. Það byrjaði allt í kringum 1400 þegar Fort Cochin  byrjaði að laða að sér kristna menn, araba og gyðinga frá mið austurlöndum. En það leið ekki á löngu þar til Evrópa kom og vildi að sjálfsögðu eiga pleisið. Portúgalar höfðu völdin frá um 1500 til 1663, en þá komu Hollendingarnir, drápu nokkra Portúgala og tóku völdin í hafnarbænum. Hollendingarnir voru mjög þrautseigir þar sem þeir stjórnuðu höfninni alveg til 1800 það var árið sem Englendingarnir komu, sáu og sigruðu. Þeir réðu ríkjum hér allt til ársins 1947, þegar Indland fékk aftur yfirráð yfir bænum.

Loksins að bíða eftir rútu til Fort Kochi!

Geiturnar að jórtra á gangstéttarbrúninni…

Þetta er rosalega rólegur og fallegur bær og þó svo að hann sé klesstur uppvið stærra bæjarfélag nú á dögum líður manni samt eins og maður sé í smábæ. hér eru fallegar kirkjur og húsin eru með evrópskum blæ. Meira að segja eru gömlu kournar stundum í svona blóma sloppum eins og maður sér á spáni.

Atti á “Teapot”, mjög fallegt kaffihús með góðum mat og eðal-tei!

Rafvirkjarnir eru alveg jafn hæfileikaríkir hér í Fort Kochi…hahaha WTF

Addi á leiðinni í miðbæjinn, þarna er gömul kella í svona blómaslopp

Við fórum á Ítalskan veitingastað og Helga fékk alvöru bruchetta…hún var mjög hamingjusöm.

Á ströndinni við miðbæjinn eru bæjarbúar með svokölluð kínversk fiskinet. Engin smá smíði, það er greinilega nóg af fiski því þeir láta þetta bara síga, fiskarnir synda inn í netið og svo er bara að hífa þetta upp!

það er mjög greinilegt að Helga er dugleg með sólarvörnina…ennþá soldið hvít!

Addi að vinna að nýrri pósu!

Hér er annað útibú Café coffee day, sem er aðal uppspretta espresso fyrir Addalinginn. Húsið er byggt utanum þetta tré sem kemur svo út úr þakinu eins og ekkert sé sjálfsagðara. Þeir eru sniðugir Indverjarnir.

Við náðum að fara í eina bátsferð (sérblogg seinna) og svo var Helga orðin veik, frekar leiðinlegt. Hún var með hita og kvef í nokkra daga og svo fengum við laugardag og sunnudag til þess að rölta um bæjinn. Við vorum búin að ákveða að fara á ferðskrifstofu á mánudeginum og fara í einhverja skemmtilega fíla eða safaríferð. Svo kom mánudagurinn og þá var Addi komin með hita….þetta er nú meira ruglið!! Hver ber ábyrgð á þessu öllu saman!!

Fortið (virkið) í Fort Kochi…það er löngu búið að sprengja það í tætlur í áranna árásum. Það sem eftir er hefur sigið í sandinn með árunum…þessar rústir voru grafnar upp, steypt í kringum þær og svo var byggt safn yfir þær. Interesting!

Þetta er aðeins minna athyglisvert, en samt flott nafn á húsi…Thakur House!

ótrúlega krúttlegt hús og sofandi köttur…

Kaffihúsið var ekki með vínveitingaleyfi en það var ekkert mál að fá bjór í dulargerfi…

Þetta er greinileg ekki te sem Helga þambar!

Vonandi verður Addi orðin góður von bráðar og þá klárum við Fort Cochin, við eigum enn eftir að sjá kryddmarkaðinn og einhverjar kirkjur! Koss og knúsar….